ಮಲೇಷ್ಯಾದಲ್ಲಿ ಕೆಲಸ: ಹೈಕಮಿಷನ್ ಎಚ್ಚರಿಕೆ

https://youtu.be/NHc6OMSu0K4?si=SI_K4goOPEgwo6h2

ಕೌಲಾಲಂಪುರದಲ್ಲಿರುವ ಭಾರತೀಯ ಹೈಕಮಿಷನ್ ಭಾರತೀಯರಿಗೆ ಕಟ್ಟುನಿಟ್ಟಿನ ಎಚ್ಚರಿಕೆ ನೀಡಿದ್ದು, ೩೦ ದಿನಗಳ ವೀಸಾ-ಮುಕ್ತ ಅಥವಾ ಪ್ರವಾಸಿ ವೀಸಾ ಸೌಲಭ್ಯವನ್ನು ದುರುಪಯೋಗಪಡಿಸಿಕೊಂಡು ಉದ್ಯೋಗ ಹುಡುಕುವುದು ಮಲೇಷ್ಯಾದ ವಲಸೆ ಕಾಯ್ದೆಯಡಿ ಗಂಭೀರ ಅಪರಾಧ ಎಂದು ತಿಳಿಸಿದೆ. ವಂಚಕ ಮಧ್ಯವರ್ತಿಗಳ ಸುಳ್ಳು ಭರವಸೆ ನಂಬಿ ಪ್ರವಾಸಿ ವೀಸಾದಲ್ಲಿ ತೆರಳಿ ಅಕ್ರಮವಾಗಿ ಉಳಿದು ದುಡಿಯುವವರು ಬಂಧನ, ಜೈಲು ಶಿಕ್ಷೆ ಹಾಗೂ ಗಡೀಪಾರು ಕ್ರಮ ಎದುರಿಸಬೇಕಾಗುತ್ತದೆ ಎಂದು ಸ್ಪಷ್ಟಪಡಿಸಿದೆ.

ಮಲೇಷ್ಯಾದಲ್ಲಿ ಉದ್ಯೋಗ ಮಾಡಲು ಇಚ್ಛಿಸುವವರು ಭಾರತದಿಂದಲೇ ಅಧಿಕೃತ ವರ್ಕ್ ಪರ್ಮಿಟ್ ಅಥವಾ ‘ರೆಫರೆನ್ಸ್‌ನೊಂದಿಗೆ ವೀಸಾ’ (VDR) ಪಡೆಯುವುದು ಕಡ್ಡಾಯವಾಗಿದ್ದು, ಪ್ರವಾಸಿ ವೀಸಾವನ್ನು ಕೆಲಸದ ವೀಸಾವಾಗಿ ಬದಲಾಯಿಸಲು ಯಾವುದೇ ಅವಕಾಶವಿಲ್ಲ. ನೈಜ ಪ್ರವಾಸಿಗರು ಕನಿಷ್ಠ ೬ ತಿಂಗಳ ಮಾನ್ಯತೆಯುಳ್ಳ ಪಾಸ್‌ಪೋರ್ಟ್, ರಿಟರ್ನ್ ಟಿಕೆಟ್, ಹೋಟೆಲ್ ಬುಕಿಂಗ್ ಮತ್ತು ಅಗತ್ಯ ಹಣದ ಸೂಕ್ತ ದಾಖಲೆಗಳನ್ನು ಹೊಂದಿರಬೇಕು ಹಾಗೂ ಪ್ರಯಾಣಕ್ಕೆ ೩ ದಿನ ಮೊದಲು ‘ಮಲೇಷ್ಯಾ ಡಿಜಿಟಲ್ ಆಗಮನ ಕಾರ್ಡ್’ (MDAC) ನೋಂದಣಿ ಮಾಡಿಕೊಳ್ಳುವುದು ಕಡ್ಡಾಯವಾಗಿದೆ ಎಂದು ಹೈಕಮಿಷನ್ ಸೂಚಿಸಿದೆ.

Please follow and like us: