ಚಂದ್ರನ ನಿಗೂಢ ಭಾಗದ ಅನಾವರಣ

https://youtu.be/NHc6OMSu0K4?si=SI_K4goOPEgwo6h2

ಚಂದ್ರನ ಹತ್ತಿರದ ಮತ್ತು ಭೂಮಿಗೆ ಕಾಣದ ದೂರದ ಭಾಗಗಳೆರಡನ್ನೂ ಒಟ್ಟಿಗೆ ಸ್ಪಷ್ಟವಾಗಿ ಸೆರೆಹಿಡಿದಿರುವ ಹೊಸ ಫೋಟೋವೊಂದು ಬಿಡುಗಡೆಯಾಗಿದ್ದು, ಇದು ಚಂದ್ರನ ಮೇಲ್ಮೈ ರಚನೆ ಮತ್ತು ಪ್ರಾಚೀನ ಜ್ವಾಲಾಮುಖಿ ಇತಿಹಾಸದ ಕುತೂಹಲಕಾರಿ ಮಾಹಿತಿಗಳನ್ನು ತೆರೆದಿಟ್ಟಿದೆ.

ಈ ಹೊಸ ಫೋಟೋ ಚಂದ್ರನ ಸಮೀಪದ ಭಾಗವನ್ನು (ಭೂಮಿಯಿಂದ ನಾವು ನೋಡುವ ಬದಿ) ಬಲಭಾಗದಲ್ಲಿ ಮತ್ತು ಚಂದ್ರನ ದೂರದ ಭಾಗವನ್ನು ಎಡಭಾಗದಲ್ಲಿ ಸ್ಪಷ್ಟವಾಗಿ ತೋರಿಸುತ್ತದೆ.

ಸಮೀಪದ ಭಾಗವನ್ನು ಅದರ ಮೇಲ್ಮೈಯನ್ನು ಆವರಿಸಿರುವ ಕಪ್ಪು ಚುಕ್ಕೆಗಳಿಂದ ಸುಲಭವಾಗಿ ಗುರುತಿಸಬಹುದು. ಚಂದ್ರನ ಇತಿಹಾಸದ ಆರಂಭದಲ್ಲಿ ಜ್ವಾಲಾಮುಖಿಗಳು ಸಕ್ರಿಯವಾಗಿದ್ದಾಗ ಈ ಚುಕ್ಕೆಗಳು ರೂಪುಗೊಂಡಿವೆ. ಲಾವಾ ಹರಿವಿನ ಪಶ್ಚಿಮಕ್ಕೆ ಇರುವ ದೊಡ್ಡ ಕುಳಿಯೇ ‘ಓರಿಯಂಟೇಲ್ ಬೇಸಿನ್’. ಇದು ಚಂದ್ರನ ಹತ್ತಿರದ ಮತ್ತು ದೂರದ ಬದಿಗಳೆರಡನ್ನೂ ವ್ಯಾಪಿಸಿರುವ ಸುಮಾರು 600 ಮೈಲಿ ಅಗಲದ ಬೃಹತ್ ಕುಳಿಯಾಗಿದೆ. ಆರ್ಟೆಮಿಸ್-2 (Artemis II) ಸಿಬ್ಬಂದಿಯು ಈ ಸಂಪೂರ್ಣ ಓರಿಯಂಟೇಲ್ ಬೇಸಿನ್ ಅನ್ನು ಕಣ್ತುಂಬಿಕೊಂಡ ಮೊದಲ ಮಾನವರು ಎಂಬ ಹೆಗ್ಗಳಿಕೆಗೆ ಪಾತ್ರರಾಗಲಿದ್ದಾರೆ.

ಕುಳಿಯ ಎಡಭಾಗದಲ್ಲಿರುವ ಎಲ್ಲವೂ ಚಂದ್ರನ ದೂರದ ಭಾಗವಾಗಿದೆ. ಚಂದ್ರನು ಭೂಮಿಯ ಸುತ್ತ ಸುತ್ತುವ ಅದೇ ವೇಗದಲ್ಲಿ ತನ್ನ ಅಕ್ಷದ ಮೇಲೂ ತಿರುಗುವುದರಿಂದ, ಈ ಗೋಳಾರ್ಧವನ್ನು ಭೂಮಿಯಿಂದ ನೋಡಲು ನಮಗೆ ಎಂದಿಗೂ ಸಾಧ್ಯವಿಲ್ಲ.

Please follow and like us: