ಮೂರನೇ ಹೆಬ್ಬೆರಳು! ,,, ಇದು ಕಲ್ಪನೆಯಲ್ಲ, ಮಾನವನ `ಸೂಪರ್ ಪವರ್’ ಆಗುವತ್ತ ಒಂದು ಹೆಜ್ಜೆ!

https://youtu.be/NHc6OMSu0K4?si=SI_K4goOPEgwo6h2

 

ಡಾ. ಎಸ್.ಎಂ. ಶಶಿಧರ, ಟೆಕ್ ಪರಿಣತರು

ಆಫೀಸ್ ಮುಗಿಸಿ, ಕಿಕ್ಕಿರಿದ ಬಸ್ಸು ಅಥವಾ ಮೆಟ್ರೋದಲ್ಲಿ ಒಂದು ಕೈಯಲ್ಲಿ ಹ್ಯಾಂಡಲ್, ಇನ್ನೊಂದು ಕೈಯಲ್ಲಿ ಭಾರವಾದ ಬ್ಯಾಗ್ ಹಿಡಿದು ನಿಂತಾಗ, ಜೇಬಿನಲ್ಲಿ ಫೋನ್ ರಿಂಗಣಿಸಿದರೆ ಆಗುವ ಫಜೀತಿ ಅಷ್ಟಿಷ್ಟಲ್ಲ! ಅದು ನಿಮ್ಮ ಬಾಸ್ ಮಾಡುತ್ತಿರುವ ಅರ್ಜೆಂಟ್ ಕರೆಯೋ ಅಥವಾ ಮನೆಯಿಂದ ಬಂದ ಮುಖ್ಯವಾದ ಕರೆಯೋ ಆಗಿರಬಹುದು.

ಹ್ಯಾಂಡಲ್ ಬಿಟ್ಟರೆ ಬೀಳುವ ಭಯ, ಬ್ಯಾಗ್ ಕೆಳಗಿಡುವಂತಿಲ್ಲ. ಇಂತಹ ಧರ್ಮಸಂಕಟದ ಸಮಯದಲ್ಲೇ ಅನ್ನಿಸುವುದು “ಛೇ! ನನಗೊಂದು ಮೂರನೇ ಕೈ ಅಥವಾ ಕನಿಷ್ಠ ಪಕ್ಷ ಇನ್ನೊಂದು ‘ಹೆಬ್ಬೆರಳು‘ ಇದ್ದಿದ್ದರೆ ಎಷ್ಟು ಚೆನ್ನಾಗಿರುತ್ತಿತ್ತು!” ಎಂದು.

ನಾವು ಸಾಮಾನ್ಯವಾಗಿ ಇಂತಹ ಆಲೋಚನೆಗಳನ್ನು ಬರೀ ಹಗಲುಗನಸು ಎಂದು ತಳ್ಳಿಹಾಕುತ್ತೇವೆ. ಆದರೆ, ವಿಜ್ಞಾನ ಮತ್ತು ತಂತ್ರಜ್ಞಾನ ಜಗತ್ತು ಈ ಕನಸನ್ನು ನನಸು ಮಾಡುವ ಹಂತಕ್ಕೆ ಬಂದು ನಿಂತಿದೆ. ಹೌದು, ನಾನಿಲ್ಲಿ ಮಾತನಾಡುತ್ತಿರುವುದು “ದಿ ಥರ್ಡ್ ಥಂಬ್” The Third Thumb) ) ಅಥವಾ “ಮೂರನೇ ಹೆಬ್ಬೆರಳು” ಎಂಬ ವಿನೂತನ ಆವಿಷ್ಕಾರದ ಬಗ್ಗೆ.

ಅಂಗವಿಕಲತೆಗಲ್ಲ, ಸಾಮರ್ಥ್ಯ ಹೆಚ್ಚಳಕ್ಕೆ!
ಇದುವರೆಗೂ ಕೃತಕ ಅಂಗಾಂಗಗಳು ಅಥವಾ `ಪ್ರಾಸ್ಥೆಟಿಕ್ಸ್‘ (Prosthetics) ಎಂದರೆ, ಅಪಘಾತದಲ್ಲೋ ಅಥವಾ ಹುಟ್ಟಿನಿಂದಲೋ ಅಂಗವಿಕಲತೆ ಉಂಟಾದವರಿಗೆ ಸಹಾಯ ಮಾಡುವ ಸಾಧನ ಎಂದೇ ನಾವು ಭಾವಿಸಿದ್ದೆವು.

ಆದರೆ, ಲಂಡನ್ ಮೂಲದ ಡ್ಯಾನಿ ಕ್ಲೋಡ್ ಎಂಬ ಡಿಸೈನರ್ ಮತ್ತು ಸಂಶೋಧಕಿ ಈ ಪರಿಕಲ್ಪನೆಯನ್ನೇ ತಲೆಕೆಳಗಾಗಿಸಿದ್ದಾರೆ. ಅವರ ಪ್ರಕಾರ, ಕೃತಕ ಅಂಗಗಳು ಕೇವಲ ಕಳೆದುಹೋದ ಭಾಗವನ್ನು ತುಂಬುವುದಕ್ಕಲ್ಲ, ಬದಲಿಗೆ ಇರುವ ಮನುಷ್ಯನ ಸಾಮರ್ಥ್ಯವನ್ನು ಹತ್ತು ಪಟ್ಟು ಹೆಚ್ಚಿಸುವುದಕ್ಕೆ!ಇದನ್ನು

ಇದನ್ನೂ ಓದಿ:  ವಿಕಲಚೇತನ ವಿದ್ಯಾರ್ಥಿಗಳಿಗೆ ನ್ಯಾಷನಲ್ ಇ-ಸ್ಕಾಲರ್‌ಶಿಪ್: ಅರ್ಜಿ ಆಹ್ವಾನ

“ಪ್ರಾಸ್ಥೆಟಿಕ್ ಆಗ್ಮೆಂಟೇಶನ್” ಎಂದು ಕರೆಯುತ್ತಾರೆ. ಅಂದರೆ, ನೀವು ಸಂಪೂರ್ಣ ಆರೋಗ್ಯವಂತರಾಗಿದ್ದರೂ, ನಿಮ್ಮ ಕೈಗೆ ಹೆಚ್ಚುವರಿಯಾಗಿ ಒಂದು ರೋಬೋಟಿಕ್ ಬೆರಳನ್ನು ಜೋಡಿಸಿಕೊಳ್ಳಬಹುದು. ಇದು ನಿಮ್ಮ ಕಿರುಬೆರಳಿನ ಪಕ್ಕದಲ್ಲಿ ಕುಳಿತುಕೊಳ್ಳುತ್ತದೆ ಮತ್ತು ನಿಮ್ಮ ಅಂಗೈಗೆ ಎದುರಾಗಿ ಚಲಿಸುತ್ತದೆ. ನೋಡಲು ವಿಚಿತ್ರ ಎನಿಸಿದರೂ, ಇದರ ಕೆಲಸ ಮಾತ್ರ ಅದ್ಭುತ!

ಇದು ಹೇಗೆ ಕೆಲಸ ಮಾಡುತ್ತೆ?
ಈಗ ನಿಮ್ಮ ಮನಸ್ಸಿನಲ್ಲಿ ಒಂದು ಪ್ರಶ್ನೆ ಮೂಡಿರಬಹುದು: “ನನ್ನ ಕೈಯಲ್ಲಿ ಐದು ಬೆರಳುಗಳಿವೆ, ಈ ಆರನೇ ಬೆರಳನ್ನು ನಿಯಂತ್ರಿಸುವುದು ಹೇಗೆ? ನನ್ನ ಮೆದುಳಿಗೆ ಗೊಂದಲ ಆಗಲ್ವಾ?”ಇಲ್ಲಿಯೇ ಇರುವುದು ತಂತ್ರಜ್ಞಾನದ ಮಜಾ. ಈ `ಮೂರನೇ ಹೆಬ್ಬೆರಳು‘ ೩ಡಿ ಪ್ರಿಂಟಿAಗ್ ತಂತ್ರಜ್ಞಾನದಿAದ ಮಾಡಲ್ಪಟ್ಟಿದ್ದು,

ಇದು ನಿಮ್ಮ ಕೈಗೆ ಬ್ರೇಸ್‌ಲೆಟ್‌ನಂತೆ ಧರಿಸಲ್ಪಡುತ್ತದೆ. ಆದರೆ ಇದರ ಕಂಟ್ರೋಲ್ ನಿಮ್ಮ ಕೈಯಲ್ಲಿ ಇರುವುದಿಲ್ಲ, ಬದಲಿಗೆ ನಿಮ್ಮ ಕಾಲಿನಲ್ಲಿರುತ್ತದೆ! ಹೌದು, ನೀವು ಸರಿಯಾಗಿಯೇ ಓದಿದಿರಿ. ನಿಮ್ಮ ಶೂ ಒಳಗೆ, ಹೆಬ್ಬೆರಳುಗಳ ಕೆಳಗೆ ಪ್ರೆಶರ್ ಸೆನ್ಸಾರ್‌ಗಳಿರುತ್ತವೆ. ನೀವು ಬಲಗಾಲಿನ ಹೆಬ್ಬೆರಳನ್ನು ಒತ್ತಿದಾಗ ಈ ಕೃತಕ ಬೆರಳು ಮುದುಡಿಕೊಳ್ಳುತ್ತದೆ,

ಎಡಗಾಲಿನ ಹೆಬ್ಬೆರಳನ್ನು ಒತ್ತಿದಾಗ ಅದು ಮೇಲಕ್ಕೆತ್ತುತ್ತದೆ. ಇದು ಕೇಳಲು ಕಷ್ಟವೆನಿಸಬಹುದು, ಆದರೆ ಕಾರು ಡ್ರೆöÊವಿಂಗ್ ಮಾಡುವಾಗ ನಾವು ಕಾಲಿನಲ್ಲಿ ಕ್ಲಚ್–ಬ್ರೇಕ್ ಒತ್ತುತ್ತಲೇ, ಕೈಯಲ್ಲಿ ಸ್ಟೀರಿಂಗ್ ತಿರುಗಿಸುವುದಿಲ್ಲವೇ? ಅಥವಾ ಟೈಲರಿಂಗ್ ಮಿಷನ್ ತುಳಿಯುತ್ತಲೇ ಬಟ್ಟೆ ಹೊಲಿಯುವುದಿಲ್ಲವೇ? ಇದೂ ಕೂಡ ಹಾಗೆಯೇ. ನಮ್ಮ ಮೆದುಳು ಈ ಹೊಸ ಕೌಶಲ್ಯವನ್ನು ಕಲಿಯಲು ಕೇವಲ ಕೆಲವೇ ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ ಅಷ್ಟೇ!

 

ಮೆದುಳಿನ ಮ್ಯಾಜಿಕ್: ಒಂದು ಸ್ವಾರಸ್ಯಕರ ಸಂಗತಿ
ವಿಜ್ಞಾನಿಗಳು ಈ ಪ್ರಯೋಗವನ್ನು ನೂರಾರು ಜನರ ಮೇಲೆ ನಡೆಸಿದ್ದಾರೆ. ಅದರಲ್ಲಿ ಒಂದು ಸ್ವಾರಸ್ಯಕರ ಘಟನೆಯನ್ನು ಹೇಳಲೇಬೇಕು. ಒಬ್ಬ ಪಿಯಾನೋ ವಾದಕನಿಗೆ ಈ ಮೂರನೇ ಹೆಬ್ಬೆರಳನ್ನು ನೀಡಲಾಯಿತು. ಸಾಮಾನ್ಯವಾಗಿ ಪಿಯಾನೋ ನುಡಿಸುವಾಗ ಹತ್ತು ಬೆರಳುಗಳ ಮಿತಿ ಇರುತ್ತದೆ. ಆದರೆ, ಈತ ಈ ಹನ್ನೊಂದನೇ ಬೆರಳನ್ನು ಬಳಸಿಕೊಂಡು, ಇದುವರೆಗೂ ಯಾವ ಸಂಗೀತಗಾರನೂ ನುಡಿಸಲು ಸಾಧ್ಯವಾಗದಂತಹ ಸಂಕೀರ್ಣ ಸ್ವರಗಳನ್ನು ಲೀಲಾಜಾಲವಾಗಿ ನುಡಿಸಿದನು! ಆತನ ಮೆದುಳು ಆ ಹೊಸ ಬೆರಳನ್ನು ತನ್ನದೇ ದೇಹದ ಭಾಗ ಎಂಬAತೆ ಸ್ವೀಕರಿಸಿಬಿಟ್ಟಿತ್ತು.

ಇನ್ನೊಂದು ಉದಾಹರಣೆ ನೋಡೋಣ. ಶಸ್ತçಚಿಕಿತ್ಸೆ ಮಾಡುವ ಡಾಕ್ಟರ್ಗಳ ಪಾಡು ನಿಮಗೆ ಗೊತ್ತೇ ಇದೆ. ಗಾಯವನ್ನು ಹೊಲಿಯುವಾಗ ಅವರಿಗೆ ಸಹಾಯಕರ ಅಗತ್ಯವಿದ್ದೇ ಇರುತ್ತದೆ. ಆದರೆ ಈ ಮೂರನೇ ಹೆಬ್ಬೆರಳನ್ನು ಬಳಸುವ ಸರ್ಜನ್ ಒಬ್ಬರು, ತಾವೇ ಉಪಕರಣಗಳನ್ನು ಹಿಡಿದುಕೊಂಡು, ಈ ಹೆಚ್ಚುವರಿ ಬೆರಳಿನ ಸಹಾಯದಿಂದ ದಾರವನ್ನು ಗಂಟು ಹಾಕುವುದನ್ನು ಕಲಿತರು. ಇದು ವೈದ್ಯಕೀಯ ಲೋಕದಲ್ಲಿ ಕ್ರಾಂತಿಯನ್ನೇ ಉಂಟುಮಾಡಬಲ್ಲದು.

ಸಾಮಾನ್ಯರಿಗೂ ಸೂಪರ್ ಪವರ್!
“ನಾನೇನು ಪಿಯಾನೋ ಬಾರಿಸಲ್ಲ, ಆಪರೇಷನ್ ಮಾಡಲ್ಲ, ನನಗಿದು ಯಾಕೆ?” ಎಂದು ನೀವು ಕೇಳಬಹುದು. ಇಲ್ಲಿವೆ ನೋಡಿ ನಮ್ಮ ದೈನಂದಿನ ಬದುಕಿನ ಕೆಲವು ಉದಾಹರಣೆಗಳು:

೧.        ಅಡುಗೆಮನೆಯಲ್ಲಿ: ಈ ಮೂರನೇ ಹೆಬ್ಬೆರಳು ಆಲೂಗಡ್ಡೆಯನ್ನು ಭದ್ರವಾಗಿ ಹಿಡಿದುಕೊಳ್ಳುತ್ತದೆ, ಆಗ ನೀವು ಆರಾಮಾಗಿ ಸಿಪ್ಪೆ ಸುಲಿಯಬಹುದು. ಅಷ್ಟೇ ಅಲ್ಲ, ಒಂದೇ ಕೈಯಲ್ಲಿ ಮೊಟ್ಟೆ ಒಡೆಯುವ ಕಸರತ್ತು ಕೂಡ ಇದರಿಂದ ಸುಲಭ! ಇನ್ನು ಜ್ಯೂಸ್ ಕುಡಿಯುವಾಗ, ಬಾಟಲ್ ಮತ್ತು ಸ್ಟಾç ಎರಡನ್ನೂ ಒಂದೇ ಕೈಯಲ್ಲೇ ಹಿಡಿದು ಸ್ಟೆöÊಲಿಶ್ ಆಗಿ ಸಿಪ್ ಮಾಡಬಹುದು!”

೨.        ಮೊಬೈಲ್ ಪ್ರಿಯರಿಗೆ: ಇವತ್ತಿನ ದೊಡ್ಡ ಸ್ಕಿನ್ ಫೋನ್‌ಗಳಲ್ಲಿ, ಒಂದು ಮೂಲೆಯಲ್ಲಿರುವ back ಬಟನ್ ಒತ್ತಲು ನಮ್ಮ ಹೆಬ್ಬೆರಳು ಎಟುಕುವುದೇ ಇಲ್ಲ. ಆಗ ಈ ರೋಬೋಟಿಕ್ ಬೆರಳು ಬಂದು ನಿಮ್ಮ ಸ್ಕಿನ್ ಸ್ಕೊಲ್ ಮಾಡಲು ಸಹಾಯ ಮಾಡಿದರೆ ಎಷ್ಟು ಚೆನ್ನಾಗಿರುತ್ತದೆ? ಕಾಫಿ ಕುಡಿಯುತ್ತಲೇ, ಒಂದೇ ಕೈಯಲ್ಲಿ ಪೂರ್ತಿ ಟ್ಯಾಬ್ಲೆಟ್ ಆಪರೇಟ್ ಮಾಡಬಹುದು!
೩.        ಮಲ್ಟಿ–ಟಾಸ್ಕಿಂಗ್: ನೀವು ಸೂಪರ್ ಮಾರ್ಕೆಟ್‌ನಿಂದ ಕೈತುಂಬಾ ಚೀಲಗಳನ್ನು ಹೊತ್ತು ತರುತ್ತಿದ್ದೀರಿ, ಬಾಗಿಲು ತೆರೆಯಲು ಕೀಲಿ ಕೈ ಬೇಕು. ಆಗ ಈ ಹೆಚ್ಚುವರಿ ಬೆರಳು ನಿಮ್ಮ ರಕ್ಷಣೆಗೆ ಬರುತ್ತದೆ.

ನಾವು ರೋಬೋಟ್‌ಗಳಾಗುತ್ತಿದ್ದೇವೆಯೇ?
ಭವಿಷ್ಯದಲ್ಲಿ ಮನುಷ್ಯರು ಮತ್ತು ಯಂತ್ರಗಳ ನಡುವಿನ ಅಂತರ ಕಡಿಮೆಯಾಗಲಿದೆ. ಈ ತಂತ್ರಜ್ಞಾನವು ನಮ್ಮ ಮೆದುಳಿನ ‘ನ್ಯೂರೋಪ್ಲಾಸ್ಟಿಸಿಟಿ’ ಸಾಮರ್ಥ್ಯವನ್ನು ಎತ್ತಿ ತೋರಿಸುತ್ತದೆ. ಅಂದರೆ, ನಮ್ಮ ಮೆದುಳು ಹೊಸ ಅಂಗಾAಗಗಳನ್ನು ನಕ್ಷೆ ಮಾಡಿಕೊಳ್ಳಲು ಸದಾ ಸಿದ್ಧವಾಗಿರುತ್ತದೆ.

ಇದನ್ನು ಕಂಡು ನಾವು ಭಯಪಡಬೇಕಿಲ್ಲ. ಕನ್ನಡಕ ಹಾಕಿಕೊಂಡಾಗ ನಮ್ಮ ಕಣ್ಣಿನ ದೃಷ್ಟಿ ಹೆಚ್ಚಾಗುವುದಿಲ್ಲವೇ? ಸೈಕಲ್ ಏರಿದಾಗ ನಮ್ಮ ವೇಗ ಹೆಚ್ಚಾಗುವುದಿಲ್ಲವೇ? ಇದೂ ಕೂಡ ಹಾಗೆಯೇ. ಇದು ನಮ್ಮನ್ನು ಸೋಮಾರಿಗಳನ್ನಾಗಿ ಮಾಡುವುದಿಲ್ಲ, ಬದಲಿಗೆ ನಮ್ಮ ಮಿತಿಯನ್ನು ಮೀರಿ ಕೆಲಸ ಮಾಡಲು ಸಹಾಯ ಮಾಡುತ್ತದೆ.

ಆದ್ದರಿಂದ, ಮುಂದಿನ ಬಾರಿ ನಿಮಗೆ ಕೆಲಸದ ಒತ್ತಡ ಹೆಚ್ಚಾದಾಗ, “ನನಗೇನು ಹತ್ತು ಕೈಗಳಿವೆಯೇ?” ಎಂದು ಕೋಪಗೊಳ್ಳಬೇಡಿ. ಏಕೆಂದರೆ, ಮುಂದೊAದು ದಿನ ನಿಜವಾಗಿಯೂ ನಿಮ್ಮಲ್ಲಿ ಹತ್ತು ಅಲ್ಲದಿದ್ದರೂ, ಹನ್ನೊಂದು ಬೆರಳುಗಳು ಇರಬಹುದು! ತಂತ್ರಜ್ಞಾನ ನಮ್ಮ ಬದುಕನ್ನು ಸುಲಭಗೊಳಿಸಲು ಬರುತ್ತಿದೆ, ಅದಕ್ಕೆ “ಥಂಬ್ಸ್ ಅಪ್” (ಅಥವಾ ತ್ರೀ ಥಂಬ್ಸ್ ಅಪ್!) ಕೊಡಲು ಸಿದ್ಧರಾಗಿರಿ.

ಕಲಿಯಲು ಬೇಕಿಲ್ಲ ವರ್ಷ, ಸಾಕು ಐದೇ ನಿಮಿಷ!
ಸೈಕಲ್ ಕಲಿಯಲು ಅಥವಾ ಟೈಪಿಂಗ್ ಕಲಿಯಲು ನಮಗೆ ತಿಂಗಳುಗಳೇ ಬೇಕಾಗುತ್ತವೆ. ಆದರೆ ಈ ‘ಮೂರನೇ ಹೆಬ್ಬೆರಳು‘ ಬಳಸಲು ಕಲಿಯುವುದು ಎಷ್ಟು ಸುಲಭ ಗೊತ್ತೇ? ಪ್ರಯೋಗವೊಂದರಲ್ಲಿ ಭಾಗವಹಿಸಿದ ಸಾಮಾನ್ಯ ಜನರು, ಇದನ್ನು ಧರಿಸಿದ ಕೇವಲ ಐದೇ ನಿಮಿಷಗಳಲ್ಲಿ ಅದನ್ನು ಬಳಸಿ ವಸ್ತುಗಳನ್ನು ಎತ್ತಲು ಕಲಿತರಂತೆ! ಅಷ್ಟೇ ಅಲ್ಲ, ಕಣ್ಣಿಗೆ ಪಟ್ಟಿ ಕಟ್ಟಿಕೊಂಡೂ ಮತ್ತು ಗಣಿತದ ಲೆಕ್ಕಗಳನ್ನು ಬಿಡಿಸುತ್ತಲೇ (Multi-tasking) ಅವರು ಈ ಬೆರಳನ್ನು ನಿಯಂತ್ರಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ನಮ್ಮ ಮೆದುಳು ಎಷ್ಟೊಂದು ಬುದ್ಧಿವಂತ ಎಂದರೆ, ಹೊಸದಾಗಿ ಬಂದ ಈ ಕೃತಕ ಬೆರಳನ್ನು “ಇದು ನನ್ನದೇ ದೇಹದ ಭಾಗ” ಎಂದು ಕ್ಷಣಮಾತ್ರದಲ್ಲಿ ಒಪ್ಪಿಕೊಂಡುಬಿಡುತ್ತದೆ!

 

 ಬರೀ ಬೆರಳಲ್ಲ, ಮುಂದೆ ‘ಬಾಲ‘ ಕೂಡ ಬರಬಹುದು!
“ಮೂರನೇ ಹೆಬ್ಬೆರಳು” ಕೇವಲ ಆರಂಭವಷ್ಟೇ! ವಿಜ್ಞಾನಿಗಳು ಈಗಾಗಲೇ ಮನುಷ್ಯರಿಗೆ ಕೃತಕ “ಬಾಲ” (Robotic Tail) ಜೋಡಿಸುವ ಪ್ರಯೋಗಗಳನ್ನು ನಡೆಸುತ್ತಿದ್ದಾರೆ ಎಂದು ನಿಮಗೆ ಗೊತ್ತೇ? ನಗು ಬಂದರೆ ನಗಬೇಡಿ, ಇದು ತಮಾಷೆಗಲ್ಲ! ವಯಸ್ಸಾದವರಿಗೆ ನಡೆಯುವಾಗ ಸಮತೋಲನ ಕಾಪಾಡಿಕೊಳ್ಳಲು ಮತ್ತು ಭಾರವಾದ ವಸ್ತುಗಳನ್ನು ಎತ್ತುವ ಕಾರ್ಮಿಕರಿಗೆ ಬೆನ್ನೆಲುಬಿನ ಮೇಲಿನ ಒತ್ತಡ ಕಡಿಮೆ ಮಾಡಲು ಈ ‘ರೋಬೋಟಿಕ್ ಟೈಲ್‘ ಸಹಾಯ ಮಾಡಲಿದೆಯಂತೆ. ಅಂದರೆ, ಮುಂದೊAದು ದಿನ ಮನುಷ್ಯರು ಕೂಡ ಸ್ಪೆöÊಡರ್ ಮ್ಯಾನ್ ಸಿನಿಮಾದ ‘ಡಾಕ್ಟರ್ ಆಕ್ಟೋಪಸ್‘ ತರಹ ಹೆಚ್ಚುವರಿ ಕೈಗಳು ಮತ್ತು ಬಾಲವನ್ನು ಹೊಂದಿದ್ದರೆ ಆಶ್ಚರ್ಯಪಡಬೇಕಿಲ್ಲ!