ನೀವು ಮತ್ತು ಆಕೆ : ವಿಶಾಲ್ ಮ್ಯಾಸರ್

https://youtu.be/NHc6OMSu0K4?si=SI_K4goOPEgwo6h2

ನೀವು ಮತ್ತು ಆಕೆ

೧ : ನೀವು ಗಡಿಯೆಂದಿರಾಕೆಗೆ ಒಳಗೂ ಹೊರಗೂ ಸೂಸುವ ಗಾಳಿಯಾದಳು

೨ : ನೀವು ದಡಿಯೆಂದಿರಾಕೆಗೆ ಅಂಚರೆದು ಕುಂಚಲು ಕಟ್ಟಿ ಗೊಂಡೇವಾಗಿ ಅರಳಿದಳು

೩ : ನೀವು ಭಾಷೆಯಂದಿರಾಕೆಗೆ ತುಟಿ ಹೊಲೆದು ಭಾವತುಂಬಿ ಮೂಕಿ ಚಿತ್ರವಾದಳು

೪ : ನೀವು ನೀರೆಂದಿರಾಕೆಗೆ ಒಂದೂರ ಪೊರೆದು ಕೆರೆಯಾಗದೆ ಹತ್ತೂರ ಹರಿದು ನದಿಯಾದಳು

೫ : ನೀವು ಗೋಡೆ ಕಟ್ಟಿದಿರಿ ಆಕೆಗೆ ಸೀಳಿ ಟಿಸಿಲೊಡೆದು ಹೊರಹೊಮ್ಮಿ ಹಾಡಾದಳು

೬ :  ನೀವು ಈಗ ರಥದಲ್ಲಿ ಕೂಡಿಸೀರಿ ಅದರ  ಮೈಯ್ಯೆಲ್ಲ ಮುಖವಾಡಗಳ ಚಿತ್ರ ಬಿಡಿಸಿ
ಮುಂದೆ…..

೭ : ಗೆರೆಗಳು ಮಾಸಿಹೋಗುತ್ತವೆ ಆಕೆ ಮತ್ತದೇ ಹಳದಿ ಬೋರ್ಡು ಹೊತ್ತ ಕೆಂಪು ಬಸ್ಸು ಗಡಿ,ದಡಿ, ಬೆಟ್ಟ, ನದಿ ಹಾದು ಬದುಕಾಗುತ್ತಾಳೆ

~ ವಿಶಾಲ್ ಮ್ಯಾಸರ್ 

(ವಿಶಾಲ್ ಮ್ಯಾಸರ್ ಮೂಲತಃ  ಹೊಸಪೇಟೆಯವರು, ಪ್ರಸ್ತುತ ವಿಜಯನಗರ ಮಹಾವಿದ್ಯಾಲಯ ಹೊಸಪೇಟೆಯಲ್ಲಿ ಬಿ.ಎಸ್ಸಿ ಪದವಿಯನ್ನ ವ್ಯಾಸಂಗ ಮಾಡುತ್ತಿದ್ದಾರೆ. “ಬಟ್ಟೆಗಂಟಿದ ಬೆಂಕಿ” ಇವರ ಪ್ರಕಟಿತ ಕವಿತಾ ಸಂಕಲನ )

Please follow and like us: