ರಾಜ್ಯ ಸರ್ಕಾರದ ಬರ ವರದಿಗಳಲ್ಲೆ ಗೊಂದಲ, ಪರಿಹಾರ ಬಿಡುಗಡೆಗೆ ವಿಳಂಭ : ಶಾಸಕ ನೇಮಿರಾಜ ನಾಯ್ಕ

https://youtu.be/NHc6OMSu0K4?si=SI_K4goOPEgwo6h2

ಹಂಪಿ ಟೈಮ್ಸ್ ಮರಿಯಮ್ಮನಹಳ್ಳಿ:

ರಾಜ್ಯದಲ್ಲಿ ಬರಗಾಲದ ಭೀಕರ ಪರಿಸ್ಥಿತಿ ಇದ್ದರೂ ಈ ಬಗ್ಗೆ ರಾಜ್ಯ ಸರ್ಕಾರ ಕೇಂದ್ರಕ್ಕೆ 3-4 ಮಾದರಿಯ ವರದಿಗಳನ್ನು ಸಲ್ಲಿಸಿರುವ ಹಿನ್ನೆಲೆಯಲ್ಲಿ ಕೇಂದ್ರಸರ್ಕಾರ,‌ ರಾಜ್ಯಕ್ಕೆ ಬರಪರಿಹಾರ ಬಿಡುಗಡೆಗೆ ವಿಳಂಬ ಮಾಡುತ್ತಿದೆ ಎಂದು ಹ.ಬೊ.ಹಳ್ಳಿ ಶಾಸಕ ಕೆ.ನೇಮಿರಾಜನಾಯ್ಕ ಹೇಳಿದರು.

ಅವರು ಪಟ್ಟಣದ ನಾಣಿಕೆರೆ ವೃತ್ತದಲ್ಲಿ ಜಿಲ್ಲಾ ಖನಿಜನಿಧಿಯ 28.46ಕೋಟಿರೂ.ಗಳ 100ಅಡಿ ಎತ್ತರದ ಧ್ವಜಸ್ಥಂಭ ನಿರ್ಮಾಣಕಾಮಗಾರಿಗೆ ಭೂಮಿಪೂಜೆ ನೆರವೇರಿಸಿ ಮಾತನಾಡಿದರು.
ಮುಖ್ಯಮಂತ್ರಿ ಸೇರಿದಂತೆ ರಾಜ್ಯದ ಸಚಿವರು,ದೇಶದ ಪ್ರಧಾನಮಂತ್ರಿಗಳಿಗೆ ಅಗೌರವಯುತವಾಗಿ ಮಾತನಾಡುತ್ತಾರೆ.ಇಂತಹ ಸಂಸ್ಕೃತಿಯ ಮುಖ್ಯಮಂತ್ರಿ ಹಾಗು ಸಚಿವರ, ಭೇಟಿಗೆ ಪ್ರಧಾನಮಂತ್ರಿಗಳು ಒಪ್ಪುವುದಿಲ್ಲ. ಪ್ರಧಾನಮಂತ್ರಿ, ಕೇಂದ್ರ ಸಚಿವರೊಂದಿಗೆ ರಾಜ್ಯದ ಸಚಿವರು ಸಮನ್ವಯ ಕಾಪಾಡಿಕೊಳ್ಳದ ಕಾರಣಕ್ಕಾಗಿ ಇರುವುದರಿಂದ, ಬರಗಾಲ ಪರಿಹಾರ ಮಂಜೂರು ಆಗಿಲ್ಲ ಎಂದರು.

ರಾಜ್ಯ ಸರ್ಕಾರ ಈ ಮೊದಲು ಬರಗಾಲದ ವಿವರವನ್ನು ಅಧಿಕಾರಿಗಳಿಂದ ಪಡೆದುಕೊಳ್ಳದೇ ಪರಿಹಾರಧನ ಮಂಜೂರು ಮಾಡುವಂತೆ ಕೇಂದ್ರವನ್ನು ಕೇಳಿತ್ತು, ಅಲ್ಲದೆ ಸಮರ್ಪಕ ಅಧ್ಯಯನ ಮಾಡದೆ ಕೋಟಿ-ಕೋಟಿ ಪರಿಹಾರವಾಗಿ ನೀಡಬೇಕೆಂದು ಕೇಂದ್ರಕ್ಕೆ ಕೇಳಿದೆ. ಅವರಿಗೆ ಹಲವು ಬಗೆಯ ಗೊಂದಲದಿಂದ ಬರಪರಿಹಾರ ಅನುದಾನ ಬಿಡುಗಯಾಗಿಲ್ಲ ಎಂದರು. ಹಗರಿಬೊಮ್ಮನಹಳ್ಳಿ ಕ್ಷೇತ್ರದ ಸಮಗ್ರ ಅಭಿವೃದ್ಧಿಗೆ ಎಲ್ಲ ಇಲಾಖೆ ಕ್ರಿಯಾಯೋಜನೆ ರೂಪಿಸಿದ್ದು, ಯಾವುದೇ ಅನುದಾನ ಬಿಡುಗೆಮಾಡಿಲ್ಲ. ಹೀಗಾಗಿ ಅಭಿವೃದ್ಧಿಪಡಿಸುವ ಕಾರ್ಯಗಳಿಗೆ ಹಿನ್ನಡೆಯಾಗಿದೆ ಎಂದು ಸರ್ಕಾರದ ಧೋರಣೆಯನ್ನು ದೂರಿದರು. ಈ ಸಂಧರ್ಭದಲ್ಲಿ ಸ್ಥಳಿಯ ಮುಖಂಡರಾದ ತಳವಾರ ಸೊಮಣ್ಣ, ಚಿದ್ರಿಸತೀಶ್, ಕೆ.ರಘುವೀರ್,ಡಾ.ಎರಿಸ್ವಾಮಿ, ಎಸ್.ನವೀನ್ ಕುಮಾರ್, ಜೆಡಿಎಸ್ ತಾ.ಅಧ್ಯಕ್ಷ ಮಲ್ಲಿಕಾರ್ಜುನ, ನಂದಿಬಂಡಿಜಗದೀಶ್, ಗುಂಡಾಸ್ವಾಮಿ, ಎಲಿಗಾರಮಂಜುನಾಥ, ಉರುವಕೊಂಡ ವೆಂಕಟೇಶ, ಸಣ್ಣದುರುಗಪ್ಪ, ನಾಗೇಶ್, ನಂದಿಬಂಡಿ ಜಗದೀಶ್, ಜಯಪ್ರಕಾಶ್, ಪ್ರಕಾಶನಾಯ್ಕ, ವೈ.ನಂದೀಶ್ ಸೇರಿದಂತೆ ಇತರರಿದ್ದರು.