ಮೂವರು ಅಂತರ್ ರಾಜ್ಯ ಕಳ್ಳರ ಬಂಧನ , 9 ಲಕ್ಷ ರೂ, ಬೈಕ್ ವಶ

ನಗರದಲ್ಲಿ ಬ್ಯಾಂಕಿನಿಂದ ಹಣ ಬಿಡಿಸಿಕೊಂಡು ಬರುತ್ತಿದ್ದ ಗ್ರಾಹಕರನ್ನೆ ಟಾರ್ಗೆಟ್ ಮಾಡಿಕೊಂಡು ಗ್ರಾಹಕರ ಗಮನ ಬೇರೆಡೆ ಸೆಳೆದು ಬೈಕ್ ನಲ್ಲಿಟ್ಟಿದ್ದ ಹಣ ಕಳ್ಳತನ ಮಾಡುತ್ತಿದ್ದ ಮೂವರು ಆರೋಪಿತ ಕಳ್ಳರನ್ನು ಹರಪನಹಳ್ಳಿ ಪೊಲೀಸರು ಆಂಧ್ರದ ಚಿತ್ತೂರಿನಲ್ಲಿ  ಬಂಧಿಸಿ, 9 ಲಕ್ಷ ರೂ ನಗದು, ಎರಡು ಬೈಕ್ ಗಳನ್ನು ವಶಪಡಿಸಿಕೊಂಡಿದ್ದಾರೆ.

ಇತ್ತೀಚಿಗೆ ಹರಪನಹಳ್ಳಿ ಪಟ್ಟಣದಲ್ಲಿ ಬ್ಯಾಂಕಿನಿಂದ ಹಣ ಬಿಡಿಸಿಕೊಂಡು ಬರುತ್ತಿದ್ದ ಗ್ರಾಹಕರನ್ನು ಹಿಂಬಾಲಿಸಿ ಅವರ ಗಮನ ಬೇರೆಡೆ ಸೆಳೆದು ಗ್ರಾಹಕರಿಂದ ಹಣ ಕಳ್ಳತನ ಮಾಡುತ್ತಿದ್ದ ಪ್ರಕರಣಗಳು ವರದಿಯಾಗಿದ್ದು, ಈ ಸಂಬಂಧ ಆರೋಪಿತರನ್ನು ಪತ್ತೆ ಮಾಡಲು ವಿಜಯನಗರ ಎಸ್ಪಿ ಶ್ರೀಹರಿ ಬಾಬು ಅವರ ಸೂಚನೆಯಂತೆ ಡಿ ವೈ ಎಸ್ ಪಿ ಹಾಲಮೂರ್ತಿ ರಾವ್ ಹರಪನಹಳ್ಳಿ ಉಪವಿಭಾಗ ಹಾಗೂ ಮಾಲತೇಶ್ ಎಂ ಕೋನಬೇವ .ಡಿ ವೈ ಎಸ್ ಪಿ .             ಡಿ ಸಿ ಆರ್ ಬಿ ವಿಭಾಗ ರವರ ಮಾರ್ಗದರ್ಶನದಲ್ಲಿ ಹರಪನಹಳ್ಳಿ ಸರ್ಕಲ್ ಇನ್ಸ್ಪೆಕ್ಟರ್ ನಾಗರಾಜ್ ಎಂ ಕಮ್ಮಾರ್ ರವರ ನೇತೃತ್ವದಲ್ಲಿ ಠಾಣೆಯ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ಶಾಂತ ಮೂರ್ತಿ ಹಾಗೂ ಸಿಬ್ಬಂದಿಯವರಾದ ರವಿ ದಾದಾಪುರ ಪಿ ಸಿ 321. ಆನಂದ್ ಪಿಸಿ 1111. ಮನೋಹರ್ ಪಾಟೀಲ್ ಪಿ ಸಿ 152. ವಾಸುದೇವ ನಾಯಕ ಬಿ ಸಿ 226 .ಕುಮಾರ್ ನಾಯಕ್ ಸಿ ಡಿ ಆರ್ ವಿಭಾಗ, ಜಿಲ್ಲಾ ಪೊಲೀಸ್ ಕಚೇರಿ ವಿಜಯನಗರ ರವರನ್ನು ಒಳಗೊಂಡ ವಿಶೇಷ ತಂಡವನ್ನು ರಚಿಸಿ ಕಳ್ಳರ ಪತ್ತೆಗೆ ಬಲೆ ಬೀಸಿದ್ದರು. ಆಂಧ್ರದ ಚಿತ್ತೂರು ಜಿಲ್ಲೆಯಲ್ಲಿ ಕಳ್ಳರನ್ನು ಪತ್ತೆಮಾಡಿ ವಶಕ್ಕೆ ಪಡೆದಿದ್ದಾರೆ.  ಪೊಲೀಸ್ ತಂಡದ ಕಾರ್ಯವನ್ನು  ಎಸ್ಪಿ ಶ್ರೀ ಹರಿಬಾಬು ಶ್ಲಾಘಿಸಿದ್ದಾರೆ.